İqor Ponomaryov Azərbaycana gəlişinin səbəbini açıqladı

Xoş haldır ki, bu səfər Lənkəranda “Xəzər Lənkəran”la “Neftçi” arasındakı görüşə təsadüf etdi. Oyuna stadionda baxdım. Köhnə tanışları, dostları gördüm. Əlbəttə, çox xoş oldu”. Bu fikirləri Lent.az-a açıqlamasında Azərbaycanın veteran futbolçusu İqor Ponomaryov deyib.

Ölkəmizə oğlu Anatoli ilə birgə gələn İqor Ponomaryov sentyabrın 25-də Lənkəran şəhər mərkəzi stadionunda keçirilmiş “Xəzər Lənkəran” – “Neftçi” matçını izləyib. O, həm də hər iki klubun veteranları arasında baş tutan oyuna tamaşa edib. “Neftçi”nin sabiq oyunçusu, “Xəzər Lənkəran”ın isə keçmiş baş məşqçisi olan 50 yaşlı mütəxəssis səfərinin iki komanda arasındakı oyuna təsadüf etməsini sırf təsadüf adlandırıb: “Mən bura şəxsi istəyimlə gəlmişəm. Hansısa matçı düşünüb gəlməmişəm. Anama, bacıma baş çəkmək, bir müddət Bakıda qalmaq istədim”.

Veteran futbolçu bir həftəyədək Bakıda olacağını söyləyib. Ailəsi ilə birgə İsveçdə yaşayan Ponomaryov 2009-cu il iyunun 11-də “Xəzər Lənkəran”dan ayrıldıqdan sonra heç bir klubdan təklif almadığını əlavə edib.

Elşən Məmmədov