Vladimir Kliçko-Devid Xey döyüşünün keçiriləcəyi məkan və gün açıqlandı

Boks üzrə ağır çəkidə WBO, IBO, IBF versiyaları üzrə çempion ukraynalı Vladimir Kliçko və WBA versiyası üzrə çempion Devid Xey arasında keçiriləcək döyüşün məkanı və vaxtı açıqlanıb. Lent.az-ın “boxingscene.com” saytına istinadən verdiyi məlumata görə, döyüş iyulun 2-də Hamburqdakı futbol stadionunda təşkil olunacaq.

Vladimir Kliçkonun qardaşı Vitali Kliçko və polyak Tomaş Adamekin də görüşlərinin vaxtı və məkanı müəyyənləşib. Sentyabrın 10-da Vrotslav stadionunda baş tutacaq görüşdə Vitali Kliçko WBC versiyası üzrə öz titulunu qorumalıdır.