Premyer Liqa: “Neftçi” çempionluğunu rəsmiləşdirə biləcəkmi?

Lent.az-ın məlumatına görə, qarşıdakı tura Gəncədə eyniadlı klubla MOİK arasındakı görüşlə start veriləcək. Aprelin 30-da baş tutacaq qarşılaşma saat 14:00-da başlanacaq. Turun son matçı isə mayın 1-də Bakının Şüvəlan qəsəbəsində AZAL-la “Neftçi” arasında keçiriləcək. Görüşün start fiti saat 20:00-da çalınacaq.

Gec başlamasına baxmayaraq, bu görüşdə qələbə “Neftçi”nin çempionluğunu rəsmiləşdirə bilər. Amma bundan ötrü “Xəzər Lənkəran” bir gün öncə “İnter”lə keçirəcəyi səfər qarşılaşmasında xal itirməlidir. Belə olan halda, “Neftçi” saat 22.00 radələrində çempionluğunu rəsmiləşdirə bilər.

30 aprel (şənbə)

18:00. “İnter” (Bakı) – “Xəzər Lənkəran”
“Şəfa” stadionu.

14:00. “Gəncə” – MOİK (Bakı)
Gəncə şəhər stadionu.

16:00. “Simurq” (Zaqatala) – “Qəbələ”
Zaqatala şəhər stadionu.

01 may (bazar)

20:00. AZAL (Bakı) – “Neftçi” (Bakı)
Şüvəlan qəsəbəsi, “AZAL” stadionu.

16:00. “Qarabağ” – “Bakı”
Tofiq İsmayılov adına Suraxanı qəsəbə stadionu.

16:00. “Turan” (Tovuz) – “Muğan” (Salyan)
Tovuz şəhər stadionu.