"Yuventus"dakı karyerasından sonra "Komo"ya keçən isveçrəli futbolçu Alişa Lemann sosial mediada evindən oğurluq edildiyini açıqlayıb.
Lent.az-ın xarici mətbuata istinadla xəbərinə görə, məşhur futbolçu yumoristik şəkildə "Mən bir az obsesif-kompulsivəm. Növbəti dəfə evimə oğurluq etsəniz, xahiş edirəm təmizləyin" yazıb.
Polisin Lemanın evindən edilən oğurluqla bağlı araşdırma başlatdığı və istintaqın davam etdiyi bildirilir. Oğruların apardığı əşyalar və ya hadisənin maliyyə miqyası ilə bağlı hələlik rəsmi açıqlama verilməyib.
Alişa Lemann "Yuventus"da oynadığı dövrdə də oxşar bir hadisə ilə üzləşmişdi. Oğrular onun Turindəki evinə girərək təxminən yarım milyon avro dəyərində əşyalar oğurlamışdılar. Bu, məşhur futbolçunun bu qədər qısa müddətdə ikinci dəfə oğurluq qurbanı olmasıdır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
