Premyer Liqada ən çox het-trik edən kimdir? - Palmer ilk onluğa daxil ola bilər

Premyer Liqanın son turunda "Çelsi"nin hücumçusu Koul Palmer "Vulverhempton"a qarşı üç qol vuraraq komandasının qələbəsini təmin edib. Bu het-trik onun karyerasında 103 oyunda dördüncü olub.

Lent.az xəbər verir ki, Transfermarkt dərhal Premyer Liqada het-trik rekordçusu Serxio Aqueronu xatırladıb, onun 12 het-triki var. İlk onluğu keçmək üçün Koul Palmerin daha bir het-trikə ehtiyacı var ki, bu da onu Rud van Nistelroy ilə eyni səviyyəyə çatdıracaq.