Braziliya millisinin keçmiş hücumçusu Robinyo həbsxanadakı həyatının təfərrüatlarını bölüşüb.
Lent.az-ın xarici KİV-ə istinadla xəbərinə görə, keçən il Robinyo 2013-cü ildə Milanda gecə klubunda törədilən dəstə təcavüzünə görə doqquz il həbs cəzasına məhkum edilib. O, cəzasını San-Pauludan 150 kilometr aralıda yerləşən Tremembe həbsxanasında çəkir.
"Rasionum, yuxu rejimim - hamısı digər məhbuslarla eynidir. Heç vaxt fərqli yemək yeməmişəm və mənə heç vaxt fərqli münasibət göstərilməyib. İş növbəm çatanda bütün digər məhbuslar kimi eyni şeyi edirəm. Futbol oynamaq istəyəndə bazar günləri, boş vaxtlarımızda oynamağa icazə verilir.
Mən heç vaxt xüsusi müalicə almamışam. Ziyarətlər şənbə və ya bazar günləri planlaşdırılır. Həyat yoldaşım tək gəlmədikdə, uşaqlarımla gəlir. Ziyarətlər və müalicə hər kəs üçün eynidir.
Mənim liderlik rolum və ya psixoloji problemlərim olduğu barədə yayılan yalanlar əsassızdır. Mən heç vaxt belə bir şey yaşamamışam və Allaha şükür heç vaxt dərman qəbul etməmişəm.
"İslah müəssisəsində olmağın çətinliklərinə baxmayaraq, Allaha şükür ki, həmişə ağlım yerində olub və bütün məhbusların edə biləcəyi hər şeyi edirəm", - Robinyo bildirib.
Robinyo "Real" (2005-2008), "Mançester Siti" (2008-2010) və "Milan" (2010-2014) kimi klublardakı çıxışları ilə tanınır. O, həmçinin Braziliya millisində 100 oyun keçirib, 28 qol vurub və 23 məhsuldar ötürmə edib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
