İnyestanın zədəsi ciddidir: neçə oyun buraxacaq?

“El-Klasiko”da zədələnərək, oyunu sona qədər davam etdirə bilməyən Andres İnyestanın durumuna aydınlıq gəlib. Lent.az-ın məlumatına görə, tibbi müayinədən keçən 30 yaşlı yarımmüdafiəçinin zədəsinin ciddi olduğu aşkarlanıb. Belə ki, həkimlər İnyestanın qarşıdakı 4 oyunu buraxacağını bildiriblər. Bu isə o deməkdir ki, təcrübəli xavbek La Liqada “Selta”, “Almeriya” və “Sevilya”, Çempionlar Liqasında isə “Ayaks”la səfərdə keçiriləcək oyunları buraxacaq.