BP Azərbaycanda yeni vitse-prezident təyin etdi

Bu gün Cim Kauinin noyabrın 15-dən etibarən BP-nin Azərbaycanda quyular üzrə vitse-prezidenti təyin edilməsi təsdiqlənib.

“BP-Azərbaycan”-dan Lent.az-a verilən məlumata görə, bundan əvvəl bu vəzifəni tutmuş Qari Kristman BP Qrupunun Quyular üzrə İnstitutuna təyinat alıb.

Qeyd edək ki, quyular üzrə vitse-prezident regionda quyularla bağlı bütün fəaliyyətə cavabdehdir. Cim Kaui neft sənayesində 32 illik təcrübəyə malikdir. O, qazma və tamamlama əməliyyatları və mühəndisliyi üzrə ixtisaslaşmaqla rəhbər vəzifələrdə çalışıb. Cim Bakıda quyular üzrə 300-dən çox mütəxəssisdən ibarət bir qrupa rəhbərlik edəcək.

Bundan əlavə, BP Bakıdakı quyular üzrə qrupa 10 yeni mühəndis qoşulacağını da bəyan edib. Bu mütəxəssislər BP-nin Alyaska, Şimali Amerika, Şimal Dənizi, Anqola və Misirdəki biznesindən bir-bir seçiliblər. Bu mütəxəssislərin üst-üstə təqribən 200 ilə bərabər təcrübələri var.