(R) NBC Bankın fiziki şəxslərin əmanət portfeli 100 faiz artıb

NBC Bankın aktivləri 1 oktyabr 2012-ci il tarixinə 82.7 milyon manat təşkil edib, bu isə ötən ilin müvafiq dövrü ilə müqayisədə 24.5 milyon manat, yəni 42% çoxdur. Bankın kredit portfelinin həcmi isə 69.1 milyon manata çatıb ki, bu da 38.25% artım deməkdir.

Qeyd edilən tarixdə Bankda fiziki şəxslərin əmanətlərinin həcmi 35.5 milyon manat təşkil edib. Ötən dövr ərzində olan artım 17.8 milyon manat, 100% həcmində olub.

NBC Bank 17 dekabr 1992-ci ildə "Ruzu" SKB kimi Azərbaycan Respublikası Mərkəzi Bankı tərəfindən qeydiyyatdan keçib. 17 yanvar 2002-ci il tarixindən adında dəyişiklik edilərək "NBCBank" KB kimi bank sektorunda fəaliyyəti davam etdirib. 2005- ci ilin mart ayından isə qanunvericiliyin tələbinə uyğun olaraq təşkilatı-hüquqi formasında dəyişiklik edilərək ASC kimi fəaliyyətini davam etdirib.

Bankın xidmətindən istifadə etmək istəyənlər Bakı şəhərində 7 və regionlarda yerləşən 4 (Sumqayıt, Gəncə, Şəki və Lənkəran) filiala müraciət edə bilər.

NBCBank – hər zaman yanınızda!