Ekvadorlular «Chevron»dan əl çəkmir

Ekvadorun bir qrup sakini Argentina məhkəməsinə ABŞ-ın «Chevron» neft şirkətindən şikayət edib.

Lent.az-ın «BBC»-yə istinadən məlumatına görə, bu onların üçüncü cəhdidir. Onlar şirkətdən 2011-ci ildə Ekvador məhkəməsinin çıxardığı qərara əsasən, 19 milyard dollarlıq dəyən ziyanın ödənilməsini istəyir.

Onlar iddia edir ki, şirkət 30 ilə yaxındır Amazon çayı ərazisində torpaqlarını çirkləndirib.

Ekvador ərazisində isə «Chevron»-nun sərvəti demək olar ki, yoxdur. Ona görə də iddiaçılar xaricdəki hesabından ziyanın ödənilməsini istəyirlər. Əvvəllər onlar Braziliya və Kanada məhkəməsinə müraciət ünvanlayıblar.

«Chevron» bütün iddiaları rədd edir.