Azərbaycana avtomobil idxalı azalıb

Bu ilin 6 ayı ərzində Azərbaycana avtomobil idxalı 15 faiz azalıb. Belə ki, ötən yarım ildə ölkəyə cəmi 30 mindən bir qədər artıq minik avtomobili gətirilib. Bu isə ötən ilin müvafiq dövrü ilə müqayisədə 15 faiz azdır.

Dövlət Statistika Komitəsindən Lent.az-a bildiriblər ki, avtomobil idxalının azalmasının əsas səbəbi bankların bu sahədə kreditləri dayandırmasıdır. Belə ki, kreditlə avtomobil satışının dayandırılması müştərilərin sayının kəskin şəkildə azalmasına səbəb olub. Bu isə avtomobil satışının və onun ölkəyə idxalının azalması ilə nəticələnib.

Elxan SALAHOV