Ev bazarındakı canlanma öldü

İpoteka kreditləri vasitəsilə satılan bilməyən evlərdə ucuzlaşma müşahidə olunur

İyul ayında Bakının mənzil bazarındakı avktivlik əvvəlki aylarla müqayisədə xeyli aşağı düşüb. Yüksək qiymətə satılan evlərdə isə hətta ucuzlaşma qeydə alınıb.

“MBA konsaltinq” şirkətinin rəhbəri Nüsrət İbrahimov Lent.az-a açıqlamasında bildirib ki, iyun ayında ipoteka kreditləri vasitəsilə satıla bilən evlərin qiyməti 3,7 faiz artdığı halda, ötən ay daha çox sabitləşmə ilə yadda qalıb. Onun sözlərinə görə, iyunda mənzil bazarında aktivlik də 38 faiz olub.

“Amma iyulda aktivləşmə də bir qədər səngiyib. Araşdırmalar göstərir ki, ipoteka kreditlərinin verilməsindən sonra mənzil bazarında yaranmış ajiotaj artıq başa çatıb. İndi əvvəlki canlanma da müşahidə olunmur. Hətta orta qiymətdən yuxarı mənzillərdə xeyli ucuzlaşma var” - deyə, Nüsrət İbrahimov bildirib.

Ekspert mənzil bazarında aktivliyin aşağı düşməsini ucuz qiymətli evlərin satılıb qurtarması ilə əlaqələndirib. Onun sözlərinə görə, iyun ayında bazarda yaranmış aktivlik ipoteka kreditləşməsinin başlanması ilə əlaqədar idi. İndi isə ipoteka kreditləri vasitəsilə satıla bilən ucuz evlər demək olar ki, yoxdur. Ona görə də daha yüksək qiymətli mənzillərdə ucuzlaşma meylləri müşahidə olunur.

Elxan SALAHOV