Dünya Bankından Azərbaycana böyük dəstək
03 avqust 2009 12:45 (UTC +04:00)

Dünya Bankından Azərbaycana böyük dəstək

Beynəlxalq qurum 45 layihənin reallaşmasında Azərbaycana maliyyə dəstəyi göstərib

1992-ci ildən bu yana Dünya Bankı Azərbaycanda 45 layihənin maliyyələşməsinə dəstək verib. Bu layihələr ölkənin əsasən nəqliyyat, təhsil və səhiyyə, habelə şəhərsalma infrastrukturunun yaxşılaşmasına yönəldilib.

Lent.az-ın məlumatına görə, ölkəmizin Dünya Bankına qoşulduğu 1992-ci ildən bəri bu beynəlxalq maliyyə qurumu Azərbaycanda 45 layihə üçün 2 milyard dollar məbləğində vəsait ayırmaq öhdəliyi götürüb. Bu layihələrin bir hissəsi artıq reallaşıb, digər hissəsi isə hazırda icra olunur. Bankla Azərbaycan hökuməti arasında növbəti belə saziş iyulun 28-də imzalanıb. “Azərbaycan magistral avtomobil yolu-2” layihəsi çərçivəsindən imzalanmış sazişlə ölkəmizə 175 milyon dollar həcmində faizsiz kredit ayrılıb.

Xatırladaq ki, ən iri maliyyə tutumlu və uzunmüddətli layihələrdən olan “Böyük Bakının Regional İnkişaf Proqramı” da Dünya Bankının maliyyə dəstəyi ilə həyata keçirilir.

Elxan SALAHOV
# 565

Oxşar yazılar