400-dən çox vətəndaşa 17 milyon manatlıq ipoteka krediti verilib
03 avqust 2009 14:30 (UTC +04:00)

400-dən çox vətəndaşa 17 milyon manatlıq ipoteka krediti verilib

İki ayda ipoteka krediti almaq üçün 1350-dən artın müraciət daxil olub

Azərbaycanda ipoteka kreditləşməsinin bərpa edilməsinin iki ayı tamam oldu. Bu müddət ərzində müvəkkil kredit təşkilatları tərəfindən adi ipoteka krediti almaq üçün 1200-dən artıq, güzəştli ipoteka krediti almaq üçün isə 150-yə yaxın vətəndaşın rəsmi müraciət ərizələri qəbul edilmişdir.

Bu barədə Lent.az-a Azərbaycan İpoteka Fondundan bildiriblər. Fondun mətbuat xidmətinin məlumatına görə, iyunun 1-dən daxil olmuş müraciətlər üzrə kredit məbləğlərinin ümumi həcmi 51 milyon manatdan çox olub. Bu məbləğin 5 milyon manata yaxını güzəştli ipoteka krediti almaq istəyən vətəndaşların müraciətləridir.

Fondda deyirlər ki, ötən iki ay ərzində müraciət edən vətəndaşların 400-dən çoxu ipoteka kreditlərindən faydalana bilib. Verilmiş kreditlərin ümumi həcmi isə 17 milyon manatdan çoxdur. Təkcə iyul ayı ərzində verilmiş ipoteka kreditlərinin həcmi 16 milyon manatı keçib.

Edxan SALAHOV
# 1338

Oxşar yazılar