Qadın məmur övladlarını öldürüb intihar etdi - Ərinin xəyanətinə görə

Braziliyada qadın övladlarını öldürərək intihar edib.

Lent.az xarici KİV-ə istinadla bildirir ki, hadisə Qoias əyalətinin İtumbiara şəhərində baş verib.

Şəhər bələdiyyəsində katibə kimi çalışan qadın ərinin ona xəyanət etməsindən şübhələnib. Bunu dəqiqləşdirmək üçün detektiv tutub və detektiv onun ərini izləyib. Nəticədə kişinin xəyanət etməsi sübuta yetirilib. Həmin günü qadın evdə olan 2 övladını öldürərək intihar edib.

Hadisə yerinə gələn polis evdə 3 nəfərin meyitini aşkarlayıb.

Faktla bağlı araşdırmalara başlanılıb.