Əksər insanlar üçün sığorta – bu, avtomobil və ya ev üçün sığorta deməkdir. Amma ulduzlar dünyasında hər şey bir az fərqlidir: onlar milyonlar qazandıqları öz bədənlərini sığortalayırlar. Kimisi səsini, kimisi ayaqlarını və ya ombasını sığortaladır.
Lent.az bu qərara gəlmiş 11 məşhuru topladı: onların fikrincə, gözəllik və özünəməxsusluq qorunmağa layiq olan bir sərvətdir.
Haydi Klumun ayaqları – 2,2 milyon dollar
Ayaqların əsas "əsas silahlarından" biridirsə, onları sığortalamaq mütləqdir. Haydi Klum dəfələrlə ayaqlarını sığortaladıb. Lakin sol ayağında olan kiçik çapıq onun dəyərini bir qədər aşağı salıb.
“Gənc olanda şüşəyə yıxıldım və böyük bir çapıq qaldı. Əlbəttə, o qədər bürünc rəngli krem istifadə etmişəm ki, indi görünmür. Amma biri o birindən bahalı idi”, – deyə Klum zarafat edib.
Brüs Sprinqstinin səs telləri – 6 milyon dollar
Amerikalı rok müğənnisi Brüs Sprinqstin unikal səsi ilə tanınır. Bu səs onu rok musiqisinin əfsanəsinə çevirib. Məhz onun səs telləri də 6 milyon dollar məbləğində sığortalanıb.
Kim Kardaşyanın ombası – 21 milyon dollar
Şou-biznesin ən tanınmış bədən quruluşuna sahib Kim Kardaşyan ombasını tam 21 milyon dollara sığortalayıb – hər biri üçün 10,5 milyon. Maraqlısı budur ki, bu qərarı onun özü deyil, o zamankı nişanlısı Kanyye Uest verib. O, bu “əsas özəlliyi” xüsusi hesab edirmiş.
Rihannanın ayaqları – 1 milyon dollar
Rihanna Gillette Venus Breeze-dən “Tanrıçanın Məşhur Ayaqları” mükafatını aldıqdan dərhal sonra ayaqlarını 1 milyon dollara sığortalayıb. Bu ayaqlar təkcə estetik deyil, həm də biznes aktividir.
Meraya Kerinin səsi və ayaqları – 70 milyon dollar
Meraya Keri inanılmaz vokal imkanları və cazibədar ayaqları ilə tanınır. 2016-cı ildə o, hər iki “aktivini” sığortalayıb: səsi və ayaqları üçün ayrı-ayrılıqda 35 milyon dollar olmaqla ümumilikdə 70 milyon.
Kriştianu Ronaldonun və Devid Bekhemin ayaqları – 145 və 195 milyon dollar
Məşhur futbol ulduzları ayaqlarını astronomik məbləğlərə sığortalayıblar. Bunun səbəbi sadədir: zədə onların karyerasını bir anda bitirə bilər.
Devid Bekhemin sığortası idman dünyasında ən böyük sığortalardan biri olub və bir neçə sığorta şirkətinin əməkdaşlığını tələb edib.
Amerika Ferreranın dişləri – 10 milyon dollar
Aquafresh brendinin siması olduqdan sonra Amerika Ferreranın gülümsəməsi 10 milyon dollara sığortalanıb. Aktrisa bu barədə gözləmədiyini, lakin bu haldan çox məmnun olduğunu bildirib.
Gordon Remzinin dili – 10 milyon dollar
Dadı və qoxunu hissetmə qabiliyyəti – aşpazın əsas alətləridir. Gordon Remzi bunu yaxşı anlayır və bu səbəbdən də dilini mümkün travma və xəstəliklərdən qorumaq üçün sığortalayıb.
Holli Medisonun sinəsi – 1 milyon dollar
Peepshow adlı verilişdə üst geyimsiz çəkilişlərə başlamazdan əvvəl Holli Medison sinəsini 1 milyon dollara sığortalayıb.
“Əgər nəsə olsaydı, mən 1 milyon dollar itirərdim”, – deyə qərarını izah edib.
Ceymi Li Körtisin ayaqları – 1 milyon dollar
Aktrisanın özü ayaqlarını sığortalamasa da, “L’Eggs” corab brendi onunla reklam çəkilişləri zamanı bunu edib.
Bu məşhurlar göstərir ki, estetik və funksional bədən hissələri – yalnız fiziki xüsusiyyətlər deyil, həm də ciddi kommersiya aktivləridir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
