Dekabrın 7-də Heydər Əliyev Sarayında Türkiyənin tanınmış müğənnisi Kənan Doğulunun konserti olub.
Lent.az-ın məlumatına görə, aparıcılığını Vüsalə Əlizadənin etdiyi gecədə K.Doğulu sevilən mahnılarını canlı ifa edib. Konsertdə o, albomunda yer alacaq yeni mahnıları da oxuyub.
Tədbir bitər-bitməz müğənni təəssüratını bölüşüb: “Çox yaxşı bir konsert verdiyimi deyə bilərəm. Buna görə də hər kəsə təşəkkürümü bildirirəm. Azərbaycanda canl-canlı mahnılar oxumaq mənə böyük zövq verir”.
Qeyd edək ki, təşkilatçılığını Səlahəttin Atalay etdiyi konsertdə K.Doğulunu qardaşı Ozan Doğulunun başçılıq etdiyi 27 nəfərlik musiqiçi qrupu müşayiət edirdi.