Rəqqasə Oksana Hindistanda evlənmək istəmir

Rəqqasə Oksana Rəsulova Hindistanın "İndias Best Cine Star Ki Khoj"da iştirakından danışıb. Lent.az-ın qafqazinfo-ya istinadən verdiyi məlumata görə, rəqqasə bildirib ki, onun əsas məqsədi Azərbaycanı ölkə kənarında layiqincə təmsil etməkdir: “Hindistanda çox şey öyrəndim. Düşünürəm ki, mənim atdığım addımı heç kim ata bilməzdi. Əsas məqsədim Azərbaycanı tanıtmaqdır. Buna isə nail oldum. İnşallah, qalib gəlsəm, burada filmdə çəkilməliyəm. ZEE TV mənimlə 3 illik müqavilə bağlayacaq. Həmişəlik Hindistana köçüb burada yaşamaq istəmirəm. Azərbaycana qayıdacam və lazım olanda Hindistana gedəcəm. Mənə Hindistanda nə eşq elan edən, nə də evlilik təklif edən olub. Mənim buna vaxtım yoxdur. Burada ailə qurmaq istəmirəm. Hindistanda bir məqsədim var, burada qalib olub kinoya çəkilmək. Başqa şeylər məni maraqlandırmır”.