İnsanların beş deyil, altı hiss orqanı var. Alimlər bildirirlər ki, beyini daxili orqanlarla əlaqələndirən “gizli” altıncı hiss, interosepsiya mövcuddur.
Lent.az bu barədə xarici mediaya istinadla xəbər verir.
İnterosepsiya adlandırılan bu hiss orqanizmin daxili orqanlardan gələn siqnalları hiss etməsi və onları beynin şərh etməsi qabiliyyətidir. Bu proses həyati funksiyaların fasiləsiz işləməsi üçün vacibdir.
Mütəxəssislərin sözlərinə görə, məhz bu altıncı hiss sayəsində beyin nə vaxt nəfəs almağın lazım olduğunu, təzyiqin düşdüyünü, yaxud orqanizmin xəstəliklə mübarizəyə başladığını dəqiq şəkildə müəyyən edə bilir.
“Interosepsiya demək olar ki, sağlamlığın bütün aspektləri üçün fundamental əhəmiyyətə malikdir, lakin buna baxmayaraq, neyroelm sahəsində hələ də kifayət qədər öyrənilməmiş istiqamət olaraq qalır”, – bu istiqamətdə aparılacaq tədqiqatın rəhbərlərindən biri professor Sin Czin qeyd edib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
