Bananların ideal yetişmə dövrü çox qısadır. Onlar tez yumşalır və qaralır, buna görə də meyvənin dadının və teksturasının ən yaxşı olduğu anı qaçırmaq asandır.
Lent.az xarici mediaya istinadla xəbər verir ki, həddindən artıq yetişmiş bananlar smuzi və şirniyyatların hazırlanması üçün yararlı olsa da, onları təzə yemək istəyənlər yetişmə prosesini necə yavaşlatmağı bilməlidirlər.
Bananlar niyə qaralır?
Bunun əsas səbəbi etilendir. Bu, meyvələrin özlərinin ifraz etdiyi təbii qazdır. Etilen hormon kimi fəaliyyət göstərərək yetişmə prosesini başladır. Banan nə qədər yetişmiş olarsa, bir o qədər çox etilen ifraz edir və nəticədə yaxınlıqda olan digər meyvələr də daha sürətlə yetişir.
Yetişmə sürətinə aşağıdakı amillər də təsir edir:
Meyvənin alındığı zaman yetişmə dərəcəsi, saxlanma temperaturu (isti mühitdə bananlar daha tez yetişir), digər meyvələrlə birlikdə saxlanılması.
Alma, avokado və pomidor da etilen ifraz edir. Buna görə də bananlar bu meyvələrin yanında saxlanıldıqda daha tez xarab olur.
Bananları qaralmadan necə saxlamaq olar – tövsiyələr
Məsləhət 1 - Əvvəl otaq temperaturunda, sonra soyuducuda saxlayın
Əgər yaşıl banan almısınızsa, onları əvvəl masanın üzərində saxlayın ki, yetişsin. Meyvələr saraldıqdan və istədiyiniz yetişmə səviyyəsinə çatdıqdan sonra soyuducuya qoyun. Soyuq səbəbindən qabığı qarala bilər, lakin içi bir neçə gün daha təzə qalacaq.
Məsləhət 2 - Bananları digər meyvələrdən ayrı saxlayın
Meyvələri ayrı qabda və ya mətbəxin fərqli yerlərində saxlayın. Bu, ümumi yetişmə prosesini yavaşladacaq və tez xarab olma riskini azaldacaq.
Məsləhət 3 - Dəstəni ayırın
Bananları bir-birindən ayırmaq etilenin yığılmasını bir qədər azaldır və onların daha bərabər yetişməsinə kömək edir.
Məsləhət 4 - Sap hissəsini sarın
Bananları ayırdıqdan sonra onların üst hissəsini qida plyonkası və ya folqa ilə sarın. Bu, etilenin ayrılmasını ləngidir və bananların saxlanma müddətini bir neçə gün artırır.
Məsləhət 5 - Yetişmiş və yaşıl bananları birlikdə saxlamayın
Yetişmiş bananlar yaşıl bananların daha tez yetişməsinə səbəb olur. Buna görə də yeni aldığınız bananları əvvəlkilərdən ayrı saxlamaq məsləhətdir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
