Evin yaxınlığındakı qaranquş: xöşbəxtlik və bəladan xəbər verən əlamətlər

Qaranquş qədim zamanlardan xalq inanclarında xüsusi yer tutur. Əcdadlarımız bu quşu firavanlığın, ailə səadətinin və bərəkətin rəmzi hesab ediblər. Onlar inanırdılar ki, qaranquş yuvasını təsadüfən seçmir və onun davranışı yaxın zamanda baş verəcək hadisələr barədə işarələr verə bilər.

Lent.az xarici mediaya istinadən xəbər verir ki, qaranquşla bağlı xalq inanclarının əksəriyyəti xoş hadisələrlə əlaqələndirilir. Bununla yanaşı, bəzi inanclar da var ki, onlar mümkün çətinliklər barədə xəbərdarlıq kimi qəbul edilir.

Ən uğurlu əlamətlərdən biri qaranquşun evin damı altında yuva qurması hesab olunur. Xalq inanclarına görə, bu, evdə müsbət enerji olduğunu, həmin ailəni sülh, firavanlıq və mehribanlığın gözlədiyini göstərir. El arasında deyilir ki, qaranquşun yuva saldığı evdən xoşbəxtlik əskik olmaz.

Qaranquşun tez-tez həyətin üzərində uçması və ya evin yaxınlığında qonması da uğurlu əlamət sayılır. Bu, sevindirici xəbərlərin, gözlənilməz qonaqların və ya ailənin həyatında müsbət dəyişikliklərin baş verəcəyinə işarə kimi yozulur.

Qaranquşun təsadüfən evə daxil olması da diqqət çəkən inanclardandır. Əgər quş sakit şəkildə çıxış yolunu taparaq özü uçub gedərsə, bu, arzuların gerçəkləşəcəyinə və ya xoş xəbərin gələcəyinə yozulur.

Yaz fəslində qaranquşların həmişəkindən tez qayıtması da xalq arasında yaxşı əlamət hesab edilir. İnanca görə, bu, isti yay və bol məhsul ilindən xəbər verir.

Qaranquş əsasən müsbət rəmz hesab olunsa da, onunla bağlı bəzi xəbərdaredici inanclar da mövcuddur.

Əgər qaranquşlar heç bir görünən səbəb olmadan yuvalarını tərk edərlərsə, qədim inanclara görə, bu, təbii fəlakət, yanğın və ya digər xoşagəlməz hadisələrin baş verəcəyinə işarə sayılırdı. Müasir ornitoloqlar isə bunu hava şəraitinin dəyişməsi, yırtıcıların peyda olması və ya quşlar üçün yaranan digər təhlükələrlə izah edirlər.

Başqa bir inanca görə, qaranquş uzun müddət evin ətrafında narahat şəkildə dövrə vurursa, bu, narahatlıq doğuran xəbərlərin yaxınlaşdığına işarədir. Lakin mütəxəssislər bildirirlər ki, belə davranışın səbəbi çox vaxt balalarını qorumaq və ya hava şəraitindəki dəyişikliklərə reaksiya vermək olur.

Ən geniş yayılmış inanca görə, qaranquş sakit davranaraq özü evdən çıxarsa, bu, xoş xəbərin gələcəyinə, arzuların həyata keçəcəyinə və ya həyatda müsbət dəyişikliklərin baş verəcəyinə işarədir. Əgər quş narahat davranırsa, xalq arasında bu, xəbərdarlıq kimi qəbul olunsa da, mütəxəssislər bunun təbii səbəblərlə bağlı ola biləcəyini bildirirlər.