İri və şirəli pomidor yetişdirməyin sirri - Yalnız iki vasitə ilə

Alimlər iri, şirəli və sağlam pomidor yetişdirməyin sirrini bölüşüblər.

Lent.az xarici mediaya istinadən xəbər verir ki, iri və şirəli pomidorlar üçün 4 litr suya 1 litr az yağlı süd, həmçinin 15 damcı yod əlavə edilir.

Səhər və ya gün batımından sonra məhlulu püskürtmək lazımdır ki, damcılar yanmalara səbəb olmasın. İlk püskürtmə pomidorlar əkildikdən 2 həftə sonra aparılır, sonra hər 10–14 gündə bir dəfə təkrarlanır.

Bu qarışım yalnız pomidorları qidalandırmır, həm də zərərvericiləri uzaq tutur. Əgər yarpaqlar bükülməyə və ya saralmaya başlayarsa, müalicə müvəqqəti olaraq dayandırılır.

Bu metod həm də xiyar, bibər və badımcanlar üçün uyğundur. Əsas qayda davamlılıqdır. Hətta bitkilər sağlam görünsə belə, bu profilaktika onları qəfil problemlərdən qoruyacaq.

Yod və süd qarışığı ilə püskürtmə, pomidorların yay fəslində tez-tez baş verən temperatur dəyişikliklərini daha asan keçirməsinə kömək edir. Əgər gecələr soyuq olarsa, müalicəni daha az, hər üç həftədən bir dəfə həyata keçirmək lazımdır ki, bitkilər yüklənməsin.

Müalicədən sonra pomidorlar ağ qanadlı həşəratlara və hörümçək gənələrinə qarşı daha az cazibədar olur. Bu zərərvericilər sağlam immuniteti olan bitkilərdən uzaq dururlar.

Əgər ərazidə fitoflyoroz əlamətləri varsa, qarışıma 10 litr maye üçün 1 tabletlə trixopol əlavə edilir. Amma antibiotikdən mövsümdə iki dəfə çox istifadə etmək olmaz.

Bu cür qarışımın müntəzəm istifadəsindən sonra torpaq daha boş və mikroelementlərlə zəngin olur. Lakin hər ay torpağın turşuluğunu yoxlamaq vacibdir. Əgər pH 7-dən çoxdursa, torpağa torf və ya iynəyarpaqlı taxta qırıntıları əlavə edin.

Qeyd edək ki, hazır qarışımı saxlamaq olmaz. Ondan dərhal istifadə edilməlidir.