Zelenskinin ofisi məşhur moda evini Rusiyanı dəstəkləməkdə ittiham etdi-VİDEO

Ukrayna prezidentinin aparat rəhbərinin müşaviri Mixail Podolyak Fransanın “Louis Vuitton” moda evini reklam çarxında Rusiya simvollarından istifadə etdiyinə görə tənqid edib.

Lent.az xəbər verir ki, o, bu barədə öz Tvitter hesabında məlumat verib.
Louis Vuitton moda evi ərəfəsində şirkətin simvollarından biri olan "V" hərfinin Fransa bayrağının fonunda təsvir olunduğu tanıtım videosu yayımlayıb.

"Rus nuvorişlərinə" diqqət yetirən elit moda evi təcavüz simvolları ilə açıq şəkildə oynamaq qərarına gəldi. Dəbdəbə qan içində olanda daha yaxşı qoxuyur, eləmi Louis Vuitton?” - Podolyak yazıb.