Dünyaca məşhur simfonik orkestr Bakıda konsert verəcək -

4 – 9 dekabrda Bakıda Heydər Əliyev Fondu, Mədəniyyət və Turizm Nazirliyi, M.Rastropoviç Fondunun birgə təşkilatçılığı ilə VI Beynəlxalq Mstislav Rastropoviç Festivalı keçiriləcək.

Festival çərçivəsində 8 – 9 dekabrda Heydər Əliyev Sarayında dünyaca məşhur Maggio Musicale Fiorentino simfonik orkestri çıxış edəcək. Sarayın mətbuat xidmətindən Lent.az-a verilən xəbərə görə, tanınmış drijor Zubin Metanın rəhbərliyi altında keçiriləcək gecələrdə F.Şubert, P.Xindemit, L.Bethoven, C.Verdi, A.Dvorjak və N.Rimski-Korsakovun əsərləri səsləndiriləcək.

Qeyd edək ki, Zubin Meta artıq bir dəfə 2010-cu ildə Beynəlxalq Mstislav Rastropoviç Festivalı çərçivəsində Heydər Əliyev Sarayında İsrail Filarmoniyasının simfonik orkestri ilə çıxış edib. Həmçinin, Zubin Meta 1990-cı ildə üç tenor Plasido Dominqo, Xose Karreras və Luçano Pavarottinin birinci birgə konsertlərinə drijorluq etməsi ilə tarixə düşüb.

Konsert saat 19:00-da başlanılır. Biletlərin qiyməti 10 – 25 AZN-dir

Jalə