Məşhur bakir kişilər - Onlar qadınları niyə sevmirdilər?

Adı tarixə qızıl hərflərlə yazılmış bir çox məşhurların ömürləri boyu bakir qalmaları, cinsi əlaqələrdən uzaq durmaları barədə faktlar var.

Lent.az xarici mediaya istinadən bu barədə məlumat verir.

İsaak Nyutonun başı elmə elə qarışmışdı ki, o yuxu və yemək üçün ayrılan zamanı da itirilmiş hesab edirdi. Ona görə qadınlarla münasibət qurmağa, ümumiyyətlə, zaman sərf etmirdi.

Məhur danimarkalı nağılbaz, yazıcı Hans Xristian Andersen qadınlardan o qədər qorxurdu ki, heç kimlə rəsmi səviyyədən o yana söhbətə girə bilmirdi. Hətta dostları onu bir dəfə kurtizan qadınlarla görüşə aparsalar da, o səhərə qədər çılpaq qadınlarla söhbət etməklə kifayətlənmişdi. Görünür, məşhur nağılçıya sehirli nağıllar uydurmaq real həyatda sevgi yaşamaqdan daha asan görünürmüş.

Məşhur rus yazıçısı Nikolay Qoqol qadınlardan, sözün həqiqi mənasında qorxurdu. O düşünürdü ki, qadın Tanrını sevməyən sirli məxluqların dostudur, onun vasitəsilə şeytan kişi bədəninə yol tapır. Və kişilər bədənlə yox ruhları ilə sevməlidirlər. Bəlkə də elə bu qorxuları yazıçının 42 yaşında ölümünə səbəb olmuşdu.

İngiltərə kraliçası Elizabet ( 1533-1603-cü illərdə yaşayıb) də ömrü boyu cinsi əlaqələrdən qaçıb. Ləqəbi də onun haqqında hər şeyi deyir: "Bakirə Elizabet". Həyatı boyu ona edilən evlilik təkliflərini rədd edib. Və ölənə qədər bakirə qalıb. Bəziləri kraliçanın əslində kişi olduğu üçün heç kəslə cinsi yaxınlıq etmədiyini ehtimal edirlər.

Məşhur fizik Nikola Tesla deyilənə görə, çox qəribə bir adammış. Nə qədər qadın heyranı olmağına baxmayaraq, heç kimlə münasibət qurmadan yaşayıb.

Filosof İmmanuel Kant həyatının böyük bir qismini tarix, siyasət və dinə həsr edib. Düşünməkdən sevişməyə vaxtı saxlamayan böyük filosof 79 yaşında subay olaraq bu dünyadan köçüb gedib.