Özge Gürel: "44" filmində bir xalqın qəhrəmanlığı göstərdik

“Bu işə başlayarkən, bu hekayəni danışarkən çox qorxurdum. Çünki bu, ağrılı bir hekayə idi”.

APA xəbər verir ki, bunu “44” filminin premyerasına həsr olunmuş mətbuat konfransında Türkiyənin tanınmış aktrisası Özge Gürel deyib.

“Biz sadəcə bir hekayə danışmadıq. Bu, həqiqətən yaşanmış bir hadisə idi və mənim üçün çox önəmli idi. Bunun məsuliyyəti də çox böyük idi. Biz "44" filmində bir xalqın ağrısını, mübarizəsini və həmin mübarizənin nəticəsində haqq edərək qazanılmış bir qəhrəmanlığı göstərdik.

Yaradıcı heyət olaraq bu iş bizim üçün çox fərqli idi. Çatdırmağa çalışdığımız duyğuları özümüz də həqiqətən yaşadıq. Hər bir həssas məqama diqqət yetirərək, bu hissləri dərindən yaşayaraq hekayəni anlatmağa çalışdıq. Ümid edirəm ki, tamaşaçılarımız da eyni duyğuları hiss edəcəklər.

Azərbaycandakı çəkiliş prosesi mənim özümü ən yaxşı hiss etdiyim dövr idi. Çəkiliş heyəti, rejissorlarımızla birlikdə özümü həqiqətən dost məclisindəki kimi hiss edirdim. Bu, böyük həyəcan və xoşbəxtliklə çalışdığımız bir proses idi. Ona görə də bütün işlərimiz sanki uçaraq gedirdi. Ümid edirəm ki, bundan sonrakı fəaliyyətim də belə olacaq, - aktrisa qeyd edib.

Özge Gürel Özge Gürel Azərbaycan 44 filmi 44 filminin premyerası Türkiyəli aktrisa türk aktrisası Qarabağ müharibəsi 44 günlük Vətən müharibəsi İkinci Qarabağ müharibəsi Azərbaycan Türkiyə Azərbaycan kinosu türk kinosu film premyerası Bakı premyerası şəhidlərimiz qəhrəmanlıq hekayəsi Vətən müharibəsi filmi məşhurlar maqazin xəbərləri mədəniyyət xəbərləri