Nahardan yarım saat əvvəl yeyilən alma yeməkdən sonra qanda şəkərin sıçrayışını iki dəfə azaldır, lakin eyni meyvə qida qəbulları arasında qəlyanaltı kimi yeyildikdə ümumiyyətlə heç bir effekt vermir.
Lent.az xarici mediaya istinadla xəbər verir ki, bu barədə alimlər araşdırma aparıb.
2024-cü ildə 17 sağlam qadının iştirakı ilə aparılan elmi araşdırma bu məsələni aydın şəkildə göstərib. İştirakçılara standart səhər yeməyi və nahar verilib, arada isə müxtəlif qəlyanaltılar təqdim olunub.
Yeməkdən əvvəl, yoxsa sonra?
Nahardan yarım saat əvvəl alma yeyənlərdə qlikemik reaksiya daha stabil olub və əsas yeməkdən sonra şəkər səviyyəsində sıçrayış iki dəfə azalıb. Orqanizm sanki əsas qida qəbuluna əvvəlcədən hazırlanmış olur.
Əksinə, eyni meyvəni səhər yeməyi ilə nahar arasında yeyən iştirakçılarda qlükozanın tənzimlənməsi baxımından heç bir üstünlük müşahidə olunmayıb. Hətta bu halda axşam yeməyində kalori qəbulu ən yüksək olub. Yəni siz faydalı hesab etdiyiniz meyvəni yeyirsiniz, amma nəticədə axşam daha çox qida qəbul edirsiniz.
Dietoloq Morgan Walker da təsdiqləyir ki, almadakı lif karbohidratların sorulmasını yavaşladır, lakin bu yalnız meyvə təkbaşına deyil, əsas yeməkdən əvvəl qəbul edildikdə baş verir.
Bəs almanı nə vaxt yemək lazımdır?
Səhər yeyilən alma həzmi yumşaq şəkildə aktivləşdirir və enerji verir. Axşam isə meyvə qəbulundan çəkinmək məsləhətdir, çünki yatmazdan əvvəl qəbul edilən şəkər birbaşa yağ ehtiyatına çevrilə bilər.
İdeal sxem belədir:
Səhər yeməyində alma yemək olar. Qəlyanaltı üçün yumurta seçmək daha məqsədəuyğundur, almanı isə əsas yeməkdən sonra desert kimi saxlamaq olar.
İdmana hazırlaşırsınızsa, meyvəni 2-3 saat əvvəl yeyin ki, enerji əldə edəsiniz və köp kimi narahatlıqlardan uzaq olasınız
Ən uyğun vaxt almanı digər qidalarla birlikdə və ya yeməkdən əvvəl qəbul etdiyiniz zamandır. Və unutmayın: qabığını soymaq olmaz, çünki əsas faydalı maddələr məhz orada yerləşir. Sadə qaydalar olsa da, həm alimlər, həm də adi insanlar tərəfindən təsdiqlənmiş təsirli üsullardır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
