Bananlar ən faydalı meyvələrdən biri hesab olunur: tərkibində çoxlu qiymətli vitaminlər və mikroelementlər var. Lakin məlum olub ki, bəzi vaxtlarda onların qəbulu orqanizm üçün o qədər də xeyirli olmaya bilər. Mütəxəssislər bananı gündəlik qidalanmaya faydalı karbohidrat mənbəyi kimi daxil etməyi tövsiyə etsələr də, onun nə vaxt yeyilməsi böyük rol oynayır.
Lent.az xarici mediaya istinadla xəbər verir ki, düzgün seçilməyən zaman banan gözlənilən fayda əvəzinə müəyyən narahatlıqlar yarada bilər.
Banan orqanizmi normal hiss etmək üçün vacib olan bir çox maddələrlə təmin edir. O, enerji səviyyəsini yüksəldir, arterial təzyiqin azalmasına kömək edə bilər. Bir bananın tərkibində A, C, E, B qrupu və K vitaminləri, həmçinin kalium, maqnezium, fosfor və qida lifləri mövcuddur.
Bananın faydası nələrdir?
Bananın tərkibində bol olan lif həzm sisteminin normal işləməsini dəstəkləyir, bağırsaqların fəaliyyətini yaxşılaşdırır və qəbizlik riskini azaldır. Kalium isə ürək-damar sağlamlığında mühüm rol oynayır, təzyiqin tənzimlənməsinə kömək edir və bəzi araşdırmalara görə, müntəzəm qəbul edildikdə hipertoniyanın yaranma ehtimalını azalda bilər. Ancaq bu qədər faydalı məhsulun da müəyyən xüsusiyyətləri var.
Bananı nə vaxt yemək daha yaxşıdır?
Dietoloqlar xəbərdarlıq edirlər ki, bananı təkbaşına tam bir səhər yeməyinin əvəzi kimi istifadə etmək düzgün deyil. Çünki onun tərkibinin təxminən dörddə biri fruktozadan ibarətdir və bu da qanda insulin səviyyəsinin sürətlə yüksəlməsinə səbəb olur. Bu yüksəlişdən sonra isə eyni dərəcədə kəskin enmə baş verir və nəticədə aclıq hissi tez geri qayıdır.
Bu vəziyyət iştahanın artmasına, diqqətin zəifləməsinə və məlumatı daha çətin qavramağa səbəb ola bilər. Qısa müddətli enerji artımı bir anda izaholunmaz yorğunluqla əvəzlənə bilər.
Mütəxəssislər bananı səhər saatlarında yemək istəyənlərə onu mütləq digər məhsullarla birlikdə qəbul etməyi məsləhət görürlər. Beləliklə, qida zülal, yağ və karbohidrat baxımından daha balanslı olur. Bundan başqa, bananı acqarına yemək də arzuolunmaz sayılır, çünki bu, mədə-bağırsaq sistemində qıcıqlanmaya səbəb ola bilər.
Axşam banan yemək faydalıdırmı?
Mütəxəssislərin fikrincə, banan axşam saatlarında daha faydalı ola bilər. O, yuxu və oyaqlıq ritmini tənzimləyən, sağlam yuxuya cavabdeh olan melatonin hormonunun ifrazının dəstəklənməsinə kömək edə bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
