Hamilələrə bu dondurmalar qadağandır

Hamilə qadınların bəzi dondurma növlərindən istifadə etməsi təhlükəli ola bilər.

Lent.az xarici mediaya istinadla xəbər verir ki, pasterizə olunmamış süd və ya çiy yumurta ilə hazırlanan dondurmalar ana və döl üçün ciddi risk yaradır.

Hamilə qadınlara pasterizə olunmamış süd və ya çiy yumurta ilə hazırlanan dondurmalardan uzaq durmaları tövsiyə olunur, çünki bu məhsullar salmonellyoz kimi infeksiyalara səbəb ola bilər. Bununla yanaşı alkoqollu dondurmalar dölün inkişafına mənfi təsir göstərə bilər.

Yoxlanılmamış əlavələr və çiy inqrediyentlər (giləmeyvə, şərbət, krem, qoz-fındıq) listeriya və toksoplazmoz riski yaradır. Dondurmanın yüksək şəkər və yağ tərkibi hamiləlikdə artıq çəki və şəkərli diabet riskini artırır.

Mütəxəssislər yalnız pasterizə olunmuş süd və qatıqla hazırlanan dondurma seçməyi, qablaşdırmaya və saxlanma müddətinə diqqət etməyi, çox yağlı və şokoladlı dondurmanı az miqdarda yeməyi, meyvəli növlərə üstünlük verməyi məsləhət görürlər.

Porsiyanın kiçik hissələrə bölünməsi, acqarına yeməmək, eləcə də dondurmanı ağızda uzun müddət saxlamamaq da hamilələr üçün vacib sayılır.