İsti havada idmanın təhlükəli NƏTİCƏLƏRİ

İsti havada məşq etməyin ürək və qan damarlarında problemlər yarada biləcəyi açıqlanıb.

Lent.az xarici KİV-ə istinadən xəbər verir ki, bu barədə mütəxəssis Elena Tixomirova bildirib.

O, yüksək temperaturda idmanın təhlükəli nəticələri barədə danışıb.

Tixomirovanın sözlərinə görə, isti havada intensiv fiziki fəaliyyət ürək-damar sisteminin yükünü əhəmiyyətli dərəcədə artırır və susuzluğa səbəb olur. Bu da öz növbəsində başgicəllənmə, ürəkbulanma, qıcolma, baş ağrıları və bir sıra digər xoşagəlməz simptomlar yaradır.

Sağlamlıq üçün xoşagəlməz nəticələrin qarşısını almaq məqsədi ilə həkim istidə açıq havada məşq etməməyi və kondisionerli idman zalında dərslərə üstünlük verməyi məsləhət görüb. Bu mümkün deyilsə, səhər və ya axşam, çöldə daha sərin zamanlarda fiziki fəaliyyəti planlaşdırmağı tövsiyə edib.

Eyni zamanda, bədənin həddindən artıq qızması riskini azaltmaq üçün yüngül nəfəs alan materiallardan hazırlanmış forma geyinmək vacibdir:

"Ümumiyyətlə, istidə fiziki fəaliyyətin intensivliyini azaltmaq daha yaxşıdır. Bir insanın xüsusən də, ürək-damar problemləri varsa, həkimə müraciət edənə qədər bu cür fəaliyyətlər tamamilə istisna edilməlidir".