Alman-Azərbaycan Mədəniyyət Evinin icraçı direktoru Cem Özdemiri məhkəməyə verir

Dünya Azərbaycanlıları Assambleyası Təşəbbüs Qrupunun rəhbəri, Alman-Azərbaycan Mədəniyyət Evinin icraçı direktoru Rəşad Quliyev Alman Parlamentində (Bundestag) qəbul edilən qondarma “erməni soyqrımı” qətnaməsinin təşəbbüskarı olan Yaşıllar Partiyasının həmsədri Cem Özdemiri məhkəməyə verəcək.

Dünya Azərbaycanlıları Assambleyasından Lent.az-a verilən məlumata görə, R. Quliyev Almaniyada fəaliyyət göstərən bir sıra hüquq mərkəzləri ilə məsləhətləşmə apardıqdan sonra C. Özdemiri məhkəməyə verməyə qərar verib.

R. Quliyev bildirib ki, C. Özdemir Alman cəmiyyətinə yalan məlumat verdiyi, digər dövlətin daxili işlərinə qarışaraq milli zəmində münaqişə yaratmaq istədiyi, tarixi təhrif edib erməni yalanını “soyqrım” olaraq qəbul etdirdiyi, terroru müdafiə etdiyi üçün qanun qarşısında cavab verməlidir. C. Özdəmirdən üzr istəməsi, 5 avro təzminat ödəməsi tələb olunacaq.