Azərbaycan Respublikasının Milli Məclisinin deputatı və ATƏT PA-nın vitse-prezidenti Azay Quliyev fevralın 19-da Avstriyanın paytaxtı Vyana şəhərinə səfərə gedəcək.
Lent.az-ın xəbərinə görə, bu barədə Milli Məclisin mətbuat xidiməti məlumat yayıb.
Deputatımız səfər çərçivəsində bir sıra görüşlər keçirəcək, ATƏT Parlament Assambleyasının 17-ci qış sessiyasında iştirak edəcək və sessiyanın gündəliyində olan aidiyyatı məsələlər haqqında çıxış edəcək.
Azay Quliyev fevral ayının 22-də ATƏT PA-nın İpək Yoluna Dəstək Qrupunun 2-ci iclasına qatılacaq. İclasda qurumun əsasnaməsinə əlavə və dəyişikliyin edilməsi, Yunanıstan və Moldovanın üzvlüyə qəbulu, İpək Yolunun bərpası təşəbbüsünü dəstəkləyən qətnamə layihəsi, bu ilin martın 13-14-də Azərbaycan Respublikasının Milli Məclisi ilə birlikdə Bakıda təşkil olunacaq “ATƏT PA-nın İpək Yoluna Dəstək Qrupunun Beynəlxalq Bakı Konfransı”na dair məsələlər müzakirə olunacaq.
Səfər fevralın 24-də başa çatacaq.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
