Zelenski Hikmət Hacıyevi təltif etdi

Ukrayna prezidenti Volodimir Zelenski Hikmət Hacıyevi Ukraynanın dövlət ordeni ilə təltif edib.

Lent.az xəbər verir ki, bu barədə Ukraynanın Azərbaycandakı səfiri Yuri Qusev "X" hesanında paylaşım edib.

O bildirib ki, Ukrayna Prezidenti Volodimir Zelenski ölkəsinin beynəlxalq tərəfdaşlarını dövlət mükafatları ilə təltif edib.

Təltif olunanlar arasında Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev də var.

Məlumata görə, Hikmət Hacıyev Ukraynanın III dərəcəli “Xidmətlərə görə” ordeninə layiq görülüb.

Ukrayna tərəfi bununla bağlı paylaşımında Hikmət Hacıyevi təbrik edib və əməkdaşlığa görə təşəkkürünü bildirib.

Qeyd edək ki, Ukraynanın “Xidmətlərə görə” ordeni ölkənin dövlət mükafatlarından biridir və müxtəlif sahələrdə xüsusi xidmətləri olan şəxslərə təqdim edilir.

https://x.com/Husyev/status/2091831595439096149