Leysan olacaq

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosu respublika ərazisində bayram günlərinin hava proqnozunu açıqlayıb. Departamentin baş hidroloqu Asif Verdiyevin Lent.az-a verdiyi məlumata görə, oktyabrın 25-də Bakıda və Abşeron yarımadasında dəyişkən buludlu hava şəraiti hökm sürəcək, arabir güclənəcək, yağış yağacaq. Mülayim şimal-şərq küləyi əsəcək, temperatur gecə 14-17, gündüz 20-23 dərəcə olacaq.

Oktyabrın 26-da buludlu hava şəraiti hökm sürəcək, arabir yağış yağacağı, gecə və səhər saatlarında yarımadanın bəzi yerlərində intensivləşəcəyi ehtimal olunur. Mülayim şimal-şərq küləyi əsəcək. Temperatur 13-16, gündüz 18-23 dərəcə olacaq.

Oktyabrın 27-də dəyişkən buludlu hava olacaq. Arabir yarımadanın bəzi yerlərində yağış yağacağı ehtimal olunur. Şimal-qərb küləyi əsəcək. Temperatur gündüz 13-16, gecə 19-23 dərəcə olacaq.

Azərbaycanın rayonlarında oktyabrın 25-də gecə və axşam saatlarında bəzi yerlərdə yağış yağacağı, duman olacağı ehtimal olunur. Havanın temperaturunun aran rayonlarında gecə 10-15, gündüz 20-25 dərəcə, dağlarda gecə 3-8, gündüz 11-16 dərəcə olacağı gözlənilir.

Oktyabrın 26-27-də arabir yağış yağacağı, ayrı-ayrı rayonlarda leysan xarakterli olacağı gözlənilir. Havanın temperaturu aran rayonlarında gecə 10-15, gündüz 19-24, dağlarda gecə 3-8, gündüz 9-14 dərəcə olacaq.

Jalə Məmmədli