Qubada işsizlərə iş təklifi

Avqustun 5-də Quba rayonunda ənənəvi əmək yarmarkası təşkil olunub. Quba rayon Məşğulluq Mərkəzindən Lent.az-a verilən məlumata görə, yarmarkada iş axtaranlara 18 müəssisədən 324 iş yeri təklif edilib. Təklif olunan iş yerləri üzrə əmək haqqı 85 manatdan 400 manatadək dəyişir. Yarmarka günün sonuna kimi davam edəcək.

Qeyd edək ki, hazırda məşğulluq mərkəzində 2466 iş axtaran vətəndaş qeydiyyatdadır ki, onlardan da 394 nəfəri işsiz statusu alıb.

Vəli Turan