Ali məktəblərdə ixtisas seçiminin vaxtı məlum oldu

“Bütün ixtisaslar üzrə ixtisas seçimi abituriyentlərin qəbul imtahanlarında topladıqları ballar elan edildikdən sonra avqustun 7-dən 16-dək internet vasitəsi ilə aparılacaq”

“Bütün ixtisaslar üzrə ixtisas seçimi abituriyentlərin qəbul imtahanlarında topladıqları ballar elan edildikdən sonra avqustun 7-dən 16-dək internet vasitəsi ilə aparılacaq”. Lent.az-ın məlumatına görə, bunu keçirdiyi mətbuat konfransında TQDK-nın sədr müavini Namiq Babayev bildirib. “Müsabiqəyə 1, 2, 4-cü ixtisas qruplarında ümumi balı 250-dən, hər bir imtahan fənni üzrə ayrılıqda topladığı nisbi balı 10-dan az olmayan abituriyentlər, 3-cü ixtisas qrupu üzrə ümumi balı 300-dən, hər bir imtahan fənni üzrə ayrılıqda topladığı nisbi balı 10-dan az olmayan abituriyentlər buraxılacaq” - deyə, TQDK rəsmisi əlavə edib.

N. Babayev onu da qeyd edib ki, 3-cü ixtisas qrupunda xüsusi qabiliyyət imtahanı tələb edən ixtisaslara qəbul olmaq istəyən və Qabiliyyət İmtahanı Komissiyasında qeydiyyatdan keçən abituriyentlər iyulun 18-dən 24-dən qabiliyyət imtahanı verməlidirlər.

Anar