Dünən Bakıda 3 nəfər günvurma ilə əlaqədar həkimə müraciət edib

Ölkəmizdə hökm sürən anomal isti hava şəraiti günvurmalara səbəb olub. Bakı şəhər Təcili və Təxirəsalınmaz Tibbi Yardım Stansiyasının operativ və hospital işlərinin təşkili şöbəsinin böyük həkimi Zemfira Vahidovanın Lent.az-a verdiyi məlumata görə, dünən 3 nəfər günvurma ilə bağlı təcili yardıma müraciət edib: “Həmin şəxslərdən iki nəfəri Pirallahı qəsəbəsindən, 1 nəfər isə Zirə qəsəbəsindən olub”.

Z. Vahidova onu da bildirib ki, dünən bir uşaq Buzovna çimərliyində suda boğulub: “Həmin hadisə ilə bağlı təcili yardıma müraciət olunub. Lakin bizim həkimlər ora gedəndə artıq gec olub. Çünki həmin uşağın sudan meyitini çıxarıblar”.

Həkimin sözlərinə görə, iyulun 24-də 13 yaşlı Qaradağ rayon sakininin ilan vurması ilə bağlı təcili yardıma müraciət olunub. “Həmin uşaq ilk tibbi yardım göstərildikdən sonra toksikologiya mərkəzinə yerləşdirilib” - deyə, Z. Vahidova əlavə edib.

Anar