Artıq vətəndaşlar Baş Prokurorluğa internet üzərindən də müraciət edə biləcəklər. Prokurorluqdan Lent.az-a verilən məlumata görə, Baş Prokurorluğun veb-saytında Hüquqi təminat və informasiya idarəsinin İnformasiya texnologiyalarının tətbiqi xidməti tərəfindən “Müraciətlərə onlayn baxılması” funksiyası (bölməsi) yaradılıb.
Elektron vasitələrdən istifadə etməklə daxil olmuş müraciətlər operativ cavablanacaq, müraciətə baxılması vəziyyəti barədə vətəndaşın daha çevik məlumatlandırılması təmin ediləcək.
Prokurorluğa müraciət etmiş vətəndaşlar həmin xidmət vasitəsilə Baş Prokurorluğun veb-saytına (www.prokurorluq.gov.az) daxil olaraq onlara proqram tərəfindən avtomatik olaraq göndərilmiş bildirişdəki koddan və xüsusi paroldan istifadə etməklə müraciətlərinə dair cavabı elektron variantda əldə edə biləcəklər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
