Azərbaycan Əfqanıstanda zavod açdı

Azərbaycanlı sərmayədarın vəsaiti hesabına Məzari-Şərifdə neft emalı zavodu fəaliyyətə başlayıb

Azərbaycan Əfqanıstana sərmayə yatırımını genişləndirməyə hazırdır.

APA-nın “Ariananews” agentliyinə istinadən yaydığı məlumata görə, bu fikirləri Azərbaycanın Pakistan və Əfqanıstandakı səfiri Daşqın Şikarov deyib.

O qeyd edib ki, azərbaycanlı sərmayədarlar son bel ildə Əfqanıstan iqtisadiyyatına sərmayə yatırıblar: “Beş il əvvəl azərbaycanlı sərmayəçi öz əfqan tərəfdaşı ilə Əfqanıstanda neft hasilatı sahəsinə 30 milyon dollar yatırıb. Biz yaxın gələcəkdə Əfqanıstanın müxtəlif sektorlarına 1-2 milyard dollar sərmayə yatırmağa hazırıq”.

Qeyd edək ki, Məzari-Şərifdə Əfqanıstan və Azərbaycan sərmayəsi hesabına neft emalı zavodu fəaliyyət başlayıb. Hazırda bu zavod gündə 500 ton xam neft emal edir, onun istehsal gücünü gündə 1500 tona çatdırmaq planlaşdırılır.