Bakının mərkəzində yeni piyada keçidi tikiləcək

Yaxın vaxtlarda Bakı şəhərinin Nərimanov rayonu, Fətəli xan Xoyski küçəsində (Azərbaycan Dövlət Bədən Tərbiyəsi və İdman Akademiyasının qarşısında) yeni piyada keçidinin inşasına başlanacaq. Nəqliyyat Nazirliyi “Azəryolservis” ASC-nin mətbuat xidmətinin rəhbəri Pünhan Mürsəliyev Lent.az-a bildirib ki, ərazi artıq çəpərlənib və yaxın 1-2 gün ərzində qazıntı işlərinə başlanılacaq. Həmçinin, ərazidən kommunikasiya xətlərinin köçürülməsinə isə artıq başlanılıb

P.Mürsəliyev bildirib ki, piyada keçidinin uzunluğu 120 metr, eni 6 metr, hündürlüyü isə 3 metr olacaq. Keçiddə hərəsi bir çıxışda olmaqla iki eskalator da quraşdırılacaq.