Dövlət Qulluğu Məsələləri üzrə Komissiyadan müsabiqə ilə bağlı AÇIQLAMA

Ötən ilin 4, 25 oktyabr və 5, 20 noyabr tarixlərində Prezident yanında Dövlət Qulluğu Məsələləri üzrə Komissiya 1065 vakant dövlət qulluğu vəzifəsinin tutulması üçün müsabiqə elan etmişdi. Komissiyadan Lent.az-a verilən məlumata görə, müsabiqədə iştirak etmək üçün Komissiyada 2325-i qadın namizəd olmaqla 6406 namizəd qeydə alınıb. Qeydə alınmış 6406 namizədin ortalama 81,70%-ni gənclər təşkil edib. Namizədlərdən 2156 nəfəri test imtahanında iştirak etməyib.

Test imtahanı mərhələsində iştirak edən namizədlərdən 453-ü qadın namizəd olmaqla 1374 nəfəri qanunvericiliyə müvafiq olaraq müsabiqənin ilk mərhələsini uğurla başa vurub. Test mərhələsini uğurla keçənlərin ortalama 86,17%-ni gənc namizədlər təşkil etmişdir. Test mərhələsini uğurla başa vuran namizədlərdən

Müsabiqənin müsahibə mərhələsi dekabrın 23-dən başlayıb. Prezident yanında Dövlət Qulluğu Məsələləri üzrə Komissiya, Səhiyyə Nazirliyi, Dövlət Şəhərsalma və Arxitektura Komitəsi, Dövlət Dəniz Administrasiyası və Şəki Apellyasiya Məhkəməsi üzrə keçirilən müsahibələr başa çatmışdır. Qeyd olunan 5 dövlət orqanı üzrə müsahibə mərhələsində iştirak etmək üçün 28 namizəd qeydə alınıb. Onlardan 9-u müsahibədən uğurla keçmiş, 19-u vəzifəyə uyğun hesab edilməmiş, 2-si isə müsahibə mərhələsində iştirak etməyib.