Heydər Əliyev Niderlandda yad edildi

Niderland Krallığının Rotterdam şəhərində Gənc İşgüzar Azərbaycanlıların Avropa Təşkilatı, Azərbaycan Dövlət Neft Şirkətinin Belçika nümayəndəliyinin dəstəyi ilə Heydər Əliyevin 90 illik yubileyinə həsr olunmuş mərasim keçirib. Lent. az-ın məlumatına görə, tədbirə Niderland, Belçika və Almaniyadan iş adamları, Rotterdam universitetinin heyəti, tələbələr və rəsmi dövlət nümayəndələri qatılıblar. Qonaqlara ilk öncə Heydər Əliyevin həyat yolundan bəhs edən sənədli film nümayiş etdirilib. Sonda tədbir iştirakçılarına Heydər Əliyev haqqında müxtəlif xarici dillərdə çap olunmuş kitablar, Azərbaycan Dövlət Neft Şirkətinin fəaliyyətini əks etdirən kitabçalar, o cümlədən ölkəmizi təmsil edən suvenirlər və fərqli hədiyyələr verilib.