İTV-də “açıq sinə” qalmaqalı

İctimai Televiziya son günlər sosial şəbəkələrdə və xəbər portallarında müzakirə edilən "Siluet" verilişinin aparıcısı, həkim-kosmetoloq Leyla Aslanova ilə bağlı məsələyə aydınlıq gətirib. Televiziyadan Lent.az-a verilən məlumata görə, bir neçə gündür sosial şəbəkələrdə və müxtəlif informasiya saytlarında İctimai Televiziyada yayımlanan "Siluet" verilişinin aparıcısı, həkim-kosmetoloq Leyla Aslanovanın efirə çıxdığı geyim forması ilə bağlı müzakirələr gedir: “Əslində isə keçmiş rəhbərliyin zamanından İTV-də aparıcılıq edən L. Aslanova ilə verilişdən sonra yollar ayrılıb və o, artıq İTV-nin əməkdaşı deyil”.