Sabah bəzi ərazilərdə su olmayacaq

“H.Z.Tağıyev adına Su Kəmərləri” İdarəsinin 1 saylı nasos stansiyasında yenidənqurma işlərinin aparılması ilə əlaqədar magistral xətlə içməli suyun verilməsi dayandırılır. Bu barədə Lent.az-a “Azərsu”dan məlumat verilib.

Bununla əlaqədar sabah 24 saat müddətinə H.Z.Tağıyev qəsəbəsi, Sumqayıt stansiyası, Qaradağ rayonunun Müşfiqabad qəsəbəsi, Abşeron rayonunun Qobustan, Çaylı, Pirəküşkül, Nübar və Binəqədi rayonunun 28 may yaşayış məntəqələrinə içməli suyun verilməsində məhdudiyyətlər olacaq.

“Azərsu” ASC yaranacaq narahatlıqla əlaqədar abunəçilərdən üzr istəyib.