Sabah hava necə olacaq?

Sabah Bakıda və Abşeron yarımadasında havanın dəyişkən buludlu olacağı, arabir tutulacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin Lent.az-a verdiyi məlumata görə, gecəyə doğru yarımadanın bəzi yerlərində yağıntılı olacağı ehtimalı var. Səhər bəzi yerlərdə zəif duman olacaq, şimal küləyi gündüz cənub küləyi ilə əvəzlənəcək. Gecə 0-2 dərəcə isti, gündüz 4-7 isti olacaq.

Rayonlarda hava əsasən yağmursuz, gecə və səhər bəzi rayonlarda duman, çiskin, axşam isə şərq rayonlarında yağıntılı olacağı gözlənilir. Mülayim şərq küləyi əsəcək. Havanın temperaturu aran rayonlarında gecə 3 dərəcə şaxtadan 2 dərəcəyədək isti, gündüz 5-10 dərəcə isti, dağlarda gecə 5-10 dərəcə şaxta, gündüz 1 dərəcə şaxtadan 4 dərəcəyədək isti olacaq.

Naxçıvan Muxtar Respublikasında gecə 12-17, gündüz 5-10 dərəcə şaxta gözlənilir. Şərq rayonlarında çiskin, mülayim qərb küləyi əsəcək.