Tələblərə cavab verməyən müəssisələr lisenziyasız qalıb

Təhsil Nazirliyi təhsil müəssisələrinin lisenziyalaşdırılması ilə bağlı hesabat yayıb. Nazirlikdən Lent. az-a verilən məlumata görə, ötən il lisenziya alınması üçün 60 müraciət daxil olub. Sənədləri qaydasında olmayan və ya tələblərə cavab verməyənlər lisenziyasız qalıb. Lisenziya almaq üçün təsisçilərin nazirliyə təqdim etdikləri sənədlərin qeydiyyatı aparılıb. Bu müraciətlərin araşdırılması üçün Təhsil Nazirliyinin müvafiq əmrləri ilə neytral şəxslərdən ibarət ekspert qrupu yaradılıb. Ekspert qrupları həmin müəssisələrdə olub, onların maddi-texniki bazasına baxış keçirib və nəticəsinə dair arayışlar təqdim ediblər.

Lisenziya Komissiyasının qərarına uyğun olaraq 22 təhsil müəssisəsinə lisenziya verilməsi barədə əmr hazırlanıb.