Aralıq dənizi sahillərində və Swiss Alps bölgəsində istirahət nə qədər cəlbedici olsa da, insanların ildən-ilə Avropaya üz tutmasının əsas səbəbi Köhnə Dünyanın bənzərsiz cazibəsidir.
Lent.az xarici mediaya istinadla, tturistlərin hələ geniş şəkildə kəşf etmədiyi Avropanın 5 qədim incisini təqdim edir.
Pula, Xorvatiya
Pula Adriatik dənizi sahilində yerləşir və turist axınının çox olduğu məşhur kurortlara alternativ hesab olunur. Şəhər ağ çınqıllı çimərlikləri, firuzəyi dənizi, sakit Aralıq dənizi atmosferi və Venesiya üslubunda pastel rəngli evləri ilə seçilir.
Burada Avropada ən yaxşı qorunmuş Roma amfiteatrlarından biri yerləşir. Müəllif qeyd edir ki, Colosseum sizi heyrətləndiribsə, Pula arenası demək olar ki, tam şəkildə qorunub saxlanılması ilə daha böyük təəssürat yarada bilər.
Luqo, İspaniya
Lugo İspaniyanın Qalisiya bölgəsində yerləşən az tanınan qədim Roma şəhərlərindən biridir. Şəhər tam şəkildə qorunmuş qala divarları ilə məşhurdur və bu ərazi UNESCO tərəfindən qorunur.
Divarların uzunluğu təxminən 2,1 kilometrdir və onları sakit templə 40 dəqiqəyə gəzmək mümkündür. Şəhərin mərkəzində yerləşən Santa Mariya kafedralı roman üslubunun parlaq nümunəsi sayılır.
Plovdiv, Bolqarıstan
Plovdiv qədim Roma dövründə mühüm şəhərlərdən biri olub. Əvvəllər Filippopolis adlanan bu şəhər Adriatik dənizi ilə Konstantinopolu (indiki Istanbul) birləşdirən əsas Roma yolunun üzərində yerləşirdi.
Bu gün də şəhərin Köhnə hissəsində forum, amfiteatr və digər qədim tikililərin qalıqları görünür. Daş döşənmiş küçələr və rəngarəng binalar Plovdivi gəzinti üçün ideal edir.
Oranj, Fransa
Orange Provans bölgəsində yerləşən kiçik şəhərdir. Burada yerləşən Roma teatrı bu günə qədər demək olar ki, tam şəkildə qorunub saxlanılıb və UNESCO siyahısına daxildir. Teatrın 37 metr hündürlüyündə səhnə divarı, nişlər və Korinf sütunları ilə birlikdə hələ də yerində qalır.
Ravenna, İtaliya
Ravenna bir vaxtlar Qərbi Roma imperiyasının paytaxtı olub və erkən xristian Avropasının əsas mərkəzlərindən sayılır. Şəhər VI əsrə aid bazilikaları və bu günə qədər qorunub qalan parlaq mozaikaları ilə məşhurdur. Sant Apollinare Nuovo bazilikasında 26 mozaika paneli Yeni Əhdi təsvir edir. Digər tərəfdə yerləşən San Vitale isə imperator Justinian I və imperatriça Theodora təsvirləri ilə məşhurdur.
Bu mozaikalar 1500 ildən çox vaxt keçməsinə baxmayaraq, hələ də işığı unikal şəkildə əks etdirir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
