Lent.az xəbər verir ki, APA TV yeni layihəyə start verir. Sağlamlıq və tibbi maarifləndirmə sahəsində cəmiyyətin məlumatlılığını artırmaq məqsədi daşıyan "APAMED" adlı bu yeni proqram insanlara faydalı və etibarlı informasiya təqdim edəcək.
Layihə çərçivəsində peşəkar həkimlər, tibb ekspertləri və mütəxəssislər müxtəlif xəstəliklər, müalicə üsulları, sağlam həyat tərzi və digər vacib mövzular barədə ətraflı məlumat verəcəklər. Həmçinin, tamaşaçıları maraqlandıran suallar cavablandırılacaq, ən son tibbi yeniliklər müzakirə ediləcək.
APAMED proqramı yaxın günlərdə APA TV-in efirində yayıma başlayacaq. Layihə sağlamlıq mövzusuna xüsusi diqqət yetirən tamaşaçılar üçün vacib bir informasiya mənbəyi olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
