Bakıda AĞIR QƏZA: ölən və yaralanan var - VİDEO - YENİLƏNİB

Bakının Heydər Əliyev prospektində qəzada həlak olan piyadanın adı məlum olub.

Lent.az-ın məlumatına görə, həmin şəxsin 28 yaşlı Bəşirova Türkan Elşad qızı olduğu bildirilir.

***

Bakının Heydər Əliyev prospektində baş verən qəzada 1 nəfər ölüb, bir neçə nəfər xəsarət alıb.

Bakı şəhər Dövlət Yol Polisi İdarəsinin baş inspektoru, polis mayoru Araz Əsgərli Lent.az-a bildirib ki, paytaxtın Heydər Əliyev prospektində avtomobil gənc qadını vuraraq öldürüb. Onun sözlərinə görə, qəza nəticəsində bir nəfər yaralanıb. Xəsarət alan Məsimov Həsən Mənsim oğlu 3 saylı Kliniki Şəhər Xəstəxanasına yerləşdirilib.

A. Əsgərli bildirib ki, hazırda Nizami rayon Polis İdarəsinin əməkdaşları hadisə yerindədir, istintaq araşdırmaları aparılır.

***

saat 16:11

Bakıda qəza olub.

Bakı Nəqliyyat Agentliyindən Lent.az-a verilən məlumata görə, qəza Heydər Əliyev prospektində qeydə alınıb. Bildirilir ki, hazırda prospektdə nəqliyyat vasitələrinin hərəkətində sıxlıq müşahidə olunur. Şəhər mərkəzi və “Koroğlu” metrostansiyası istiqamətində əsas və köməkçi yollarda avtomobillərin hərəkəti çətinləşib.

Sıxlıq baş verən ağır yol-nəqliyyat hadisəsi səbəbindən yaranıb.

Qəza ilə əlaqədar "ASK ARENA"dan "Koroğlu" metrostansiyası istiqamətində zolaqlar üzrə sürət həddi 20 km/saat azaldılıb.