Sahibsiz it ölməkdə olan balasını həkimə APARDI - VİDEO

İstanbulun Beylikdüzü rayonunda bir küçə iti, ölüm təhlükəsi ilə üz-üzə qalan balasını ağzında daşıyaraq baytar klinikasına gətirib.

Lent.az Türkiyə mediasına istinadən xəbər verir ki, balası dərhal müalicəyə alınıb və klinikanın reanimasiya bölməsinə yerləşdirilib. Onun ürək döyüntüləri zəif olsa da, vəziyyəti yaxşılaşıb. Ana it müalicə müddətində balasının yanından bir an belə ayrılmayıb.

Əvvəllər eyni itin başqa bir balasını da heyvansevərlər həmin klinikaya gətirərək müalicə etdiriblər. Klinikanın sahibi bildirib ki, ana it bir neçə bala dünyaya gətirib, lakin çoxu ölüb. Bu balasını isə özü klinikaya gətirib.

Hazırda ana və balaların vəziyyəti yaxşıdır. Onların müalicəsi davam edir və vəziyyətləri yaxşılaşdıqca klinikadan ayrılmaları nəzərdə tutulur. Hadisənin diqqətçəkən anları klinikanın təhlükəsizlik kameralarına düşüb.